Сите работи кај R18 крузерите на BMW се огромни.
Клиповите се огромни а вентилите се пошироки отколку цилиндерот на некој помал крузер, на пример Yamaha XVS125. Од BMW најавуваат уште два поголеми модели за сезоната 2022.
Следните два R18 модели, наречени R18 B и R18 Transcontinental ќе бидат огромни дури и во споредба со актуелниот R18 и R18 Classic. За неговите димензии можат да сонуваат дури и најголемите модели на Harley.
На интернет веќе се појавија слики кои го откриваат изгледот на R18, машина која ќе биде фокусирана на туринг возење. Сега се појавија и документи кои BMW ги поднесе во Европа и САД каде се гледаат техничките детали. Мотоциклот кој се гледа на фотографиите е R18 B. Буквата B најверојатно значи 'Bagger' а на оваа машина ќе и се приклучи и уште една поголема верзија наречена 'Transcontinental'.
Во однос на големината, моделот B е долг 2560 милиметри, што го прави за 85 милиметри подолг од Honda Gold Wing. Верзијата Transcontinental, која се очекува да има кутија за багаж позади, е долг 2640 милиметри.
Приказната е иста и во однос на ширината. Според документите ширината на двата модели изнесуваа минимум 930 милиметри а максимум 970 милиметри. Кај Gold Wing оваа бројка изнесува 925 милиметри.
Како што се очекуваше, ниту еден од моделите нема да биде лесен. Актуелниот R18 тежи 345 килограми а верзијата Classic тежи 365 килограми.
Колку само за споредба, R18 B се очекува да тежи околу 400 килограми додека пак верзијата Transcontinental веројатно ќе тежи 430 килограми со полн резервоар гориво.
Овие бројки веројатно ќе варираат во однос на опциите. Според документот, заинтересираните ќе можат да одберат и помеѓу неколку големини на тркалата, 19 или 21 инчни напред и 18 или 16 инчни тркала позади. И двете ќе бидат „wire spoked“ и „cast alloy“.
BMW R18 Baggers
Нискиот „batwing“ кој го има кај R18 B, кај моделот Transcontinental е заменета со повисока верзија.
Моќноста и бројот на вртежи останува непроменет со 91hp при 4750rpm и 116.5lb.ft при 3000rpm.
Резервоарот е поголем во однос на актуелниот R18.
Новата шасија вклучува продолжен „headstock“ дел како и поостар агол на вилушката отколку кај R18 cruiser.
Четири аналогни екрани се наоѓаат над големиот TFT екран. Стерео звучниците како и радарски сензор може да се најдат над предното светло.