Zontes патентира нов дизајн на скутер кој би можел да ги промени правилата во сегментот, воведувајќи рамно подножје во комбинација со независна задна суспензија. Овој проект го одвојува моторот од задното тркало, со што се решава еден од најголемите предизвици кај традиционалните скутери – големата неамортизирана маса која ја влошува работата на суспензијата.
Според објавените технички цртежи, новиот модел ќе биде достапен во две варијанти, со агрегати од 150 и 175 кубика. Очекуваната моќност за верзијата од 150 кубика изнесува 17,7 коњски сили, додека поголемиот мотор од 175 кубика би требало да испорачува 19 коњски сили. Дизајнот вклучува и два анти-вибрациони балансни осовини за помазна работа на моторот.
Технички иновации
Клучниот елемент на овој концепт е алуминиумската рамка во форма на буквата U, која служи како „рбет“ на скутерот. За разлика од конвенционалните скутери каде моторот, преносот и задната суспензија се една целина, Zontes користи независна задна суспензија со моно-амортизер, каде што вилушката се потпира директно на моторот. Преносот на силата се врши преку внатрешен CVT систем, но со дополнителен пренос до задното тркало преку систем со ланец и запчаници, што е невообичаено решение за оваа класа, додека самиот агрегат е централно поставен во рамката.
Очекувани перформанси и предизвици
Главната придобивка од ваквата конфигурација е значително подобреното управување, кое е резултат на намалената неамортизирана маса, што го доближува овој скутер до возните карактеристики на модели како TMAX или AK550. Сепак, проектот се соочува и со одредени предизвици кои се предмет на онлајн дискусии. Јавноста изразува сомнеж околу просторот за складирање под седиштето, кој кај овој дизајн изгледа прилично ограничен, што е спротивно на очекувањата на купувачите во оваа класа. Дополнително, инженерите ќе мора да најдат начин за интегрирање на резервоарот за гориво, при што како најлогична опција се споменува негово сместување во самата рамка на подот.
Коментари