Во првата од најавените 6 промоции вчера Ducati ја претсави освежената верзија на помалата Multistrada која сега се вика V2. 

Иако Ducati се обидува да ни го сврти вниманието да мислиме дека којзнае колку промени внеле во овој мотор, сепак станува збор за освежување и подобрување на постоечкиот, веќе успешен, модел. Накратко V2 и V2S се за малку полесни, малку пониски и малку помазни во работењето од своите претходници. Но, по се изгледа клучната разлика е понудата на црна верзија, која навистина изгледа одлично. 

Добро, може да се оди и подетално со промените. Вкупната тежина е помала за околу 5 килограми, седиштето и суспензијата можат да го симнат седиштето на овој турер до 790мм а помазното и попрецизно работење на моторт се должи на новиот менувач и квачило.  

V2 и V2S ќе бидат достани и со ограничување на моќноста на моторот на 35kW за да може да се вози со A2 возачка дозвола. Уште една новина се новите лед задни светла кои трепкаат при нагло запирање, функиција која е достапна само на S моделот a иницијално беше вклучена во V4 верзијата. 

Што би можеле друго да подобрите на моторт за кој сите се согласни дека е совршен баланс спортист и турер. Па да, може да му дадете и нова боја за да се разликува од претходните. Ducati Multistrada V2S сега е достапен и во темно сива/црна боја со црвени акцентирани делови и бандажи. 

Официјални цени уште нема.