Пред нас е уште еден вистински мото викенд исполнет со дружење, добра музика, многу мотори и врвни трки. Домашната мото сцена повторно нуди два големи настани, а на патеката Automotodrom Brno се вози деветата рунда од МотоГП шампионатот.
МК Црни – Мото Фест 2026
Локација: Скопје
Датум: 19–21 јуни
Линк: МК Црни – Мото Фест 2026
МК Црни оваа година го организираат својот втор по ред Мото Фест, кој полека прераснува во еден од најпосетените собири во земјата. Настанот ќе трае три дена и ќе понуди богата програма со рок концерти, камп зона, дефиле низ градот и многу дружење со моторџии од цела Македонија и странство.
Според најавите, очекувај атмосфера во добро познатиот стил на Црни – опуштено, гласно и со многу адреналин.
POTFAT MC – Moto Party 2026
Локација: Дојран
Датум: 19–20 јуни
Линк: POTFAT MC – Moto Party 2026
Во Дојран (Алекс Бич), POTFAT MC ќе бидат домаќини на журка за која не треба многу да се пишува. Како и секогаш, забавите на Потфат привлекуваат голем број клубови и гости. Настанот ќе понуди жива музика, традиционално дружење и многу добра енергија.
POTFAT MC важат за домаќини со одлична организација, па и оваа година се очекува силна посетеност и вистинска мото атмосфера до доцна во ноќта.
MotoGP – Гран При на Чешка
Патека: Automotodrom Brno
Датум: 19–21 јуни
Линк: Распоред за следење на MotoGP Чешка
MotoGP се врати на легендарната патека во Брно минатата сезонаа, а Брно отсекогаш било омилено меѓу возачите и гледачите. Патеката долга 5.4 km со 14 свиоци и големи промени во надморска височина ветува спектакуларни борби. Викендот носи и Tissot Sprint во сабота, а во недела главната трка на 21 круг.
Без разлика дали планираш да возиш до Скопје или Дојран, или пак ќе го следиш MotoGP викендот од дома, пред нас е уште едно мото викенд уживање. Домашната сцена е активна, а на патеката во Брно нè очекува вистински спектакл.
Коментари