Македонската мото-сцена доби уште едно свое место на интернет. Мото клубот „Носачи на крстот“ – Cross Bearers MK од Велес неодамна го пушти во употреба својот официјален веб-сајт, достапен на crossbearers.mk.
На новата интернет-страница посетителите можат подобро да се запознаат со клубот, неговата историја, членовите и вредностите врз кои е изграден. Објавени се и информации за претстојните настани, заедничките возења и хуманитарните активности, како и фотографии од моментите што ја одбележале досегашната работа на Cross Bearers.
Мото клубот е формиран кон крајот на 2006 и почетокот на 2007 година од група љубители на мотоциклизмот од Велес. Како здружение на граѓани, со свој препознатлив грб, официјално е регистриран на 1 ноември 2008 година. Денес клубот брои 18 членови.
Cross Bearers низ годините прерасна во препознатлив дел од мото-заедницата во Велес и во Македонија. Покрај учеството на мото-собири, дефилеа и други настани, клубот е особено познат по својата хуманитарна работа.
Меѓу најзначајните активности се традиционалните крводарителски акции, започнати уште во 2008 година. Од скромните почетоци со околу 30 крводарувања, акцијата прерасна во голем хуманитарен настан, па така на последното издание беа остварени 383 дарувања. За придонесот во локалната заедница клубот во повеќе наврати добиваше признанија и благодарници од Општина Велес.
Новиот сајт располага со посебни секции за историјата на клубот, неговиот клубски дом, настаните, галеријата, сувенирите и контактите. Достапен е и блог со текстови за мото-дестинации, безбедно возење и други теми наменети за моторџиите.
Создавањето сопствен веб-сајт е уште еден добар чекор за Cross Bearers, но и позитивен пример за целата домашна мото-сцена. Со него клубот добива простор на кој ќе може навремено да ги најавува своите активности, да ја документира својата работа и да ја претставува македонската мото-култура пред пошироката јавност.
Посетете го новиот веб-сајт на Cross Bearers MK на www.crossbearers.mk.
Коментари