Лоренцо Савадори, тест-возачот на Aprilia, во Арагон доби задача да го замени повредениот Аи Огура во Trackhouse, но враќањето на актуелниот MotoGP мотор од 1000 кубика се покажа како поголем предизвик отколку што можеби изгледа.
Савадори изминатите месеци ги помина тестирајќи го прототипот од 850 кубика за 2027 година, па во Арагон повторно мораше да се прилагоди на сегашната генерација MotoGP мотори. Според него, најголемата разлика не е во кубикажата или моќноста, туку во гумите.
© GPOne.com
Новите MotoGP мотори од 2027 година ќе имаат помала моќност, ограничена аеродинамика и повеќе нема да ги користат сегашните holeshot уреди, но за Савадори токму преминот меѓу Pirelli и Michelin е најголемиот предизвик.
„Мишелин и Пирели се два сосема различни света. Едните функционираат на еден начин, другите на сосема поинаков. Тоа се две спротивни крајности.“Лоренцо Савадори, тест-возач на Aprilia
Савадори вели дека поминале пет и пол месеци откако последен пат возел со Michelin и дека сега повторно мора да ја врати довербата во гумите и да се приспособи на нивното однесување.
Преминот на Pirelli во MotoGP од 2027 година, од друга страна, би можел да им оди во прилог на возачите кои веќе имаат искуство со овие гуми. Во Moto2 тоа се, меѓу другите, Даниел Холгадо, Давид Алонсо и Сенa Агиус, додека од WorldSBK такво искуство има и Николо Булега.
Токму затоа Савадори смета дека преминот од Moto2 во MotoGP во иднина би можел да биде нешто полесен. Возачите ќе продолжат да користат исти гуми, иако, како што нагласува тој, достигнувањето на потребното ниво на перформанси во MotoGP и понатаму ќе остане сериозен предизвик.
Коментари