Шефот на Ducati, Клаудио Доменикали, откри дека благодарение на успехот кој го постигна новиот Panigale V4, компанијата планира да претстави уште неколку нови модели.

„Во следните пет години ќе претставиме 29 нови мотоцикли,“ вели Доменикали. „Ќе продолжиме да развиваме нови верзии од актуелните модели но исто така ќе влеземе на нови пазари. Како дел од тоа, ќе се обидеме да го вметнеме V4 моторот на неколку различни платформи.“

Иако Доменикали не сакаше да открие кој модел следен ќе го има нивниот 1103cc V4 Stradale мотор, кој има 211 коњски сили, извори од компанијата велат дека најверојатно тоа ќе бидат соголени туринг и авантуристички мотоцикли.

Доменикали исто така призна и дека хомологацискиот роднината на V4, кој ќе дебитира во 2019 година, откри нешто навистина интересно и покрај тоа што беше изработуван заедно со уличната верзија.

„Позитивно сме изненадени од V4 R,“ вели Доменикали. „Навистина беше тешко да се задржи истата моќност но моторот реагираше навистина добро на промените кои ги направивме. На крајот добивме многу поголема моќност отколку што очекувавме. На многу начини, ова е најнапредниот мотоцикл кој досега сме го развиле.“

Повеќе технологија отколку MotoGP мотоциклите

„Доколку го земете V4 R, ќе видите дека имаме подобри крилца, подобра електроника како и суспензија во споредба со MotoGP мотоцикл. Имаме cornering ABS кој не е дозволен на MotoGP мотоцикл. Многу возачи кои се дел од трките имаат проблеми со предниот дел од мотоциклот но со нашиот cornering ABS нема да има ниту еден пад. Ниту еден.“

Но иако електрониката е главниот дел кај мотоциклите на Ducati, електронската технологија не е приоритет и покрај тоа што компанијата во чија што сопственост е работи на воведување на возила кои имаат 0 емисија на штетни гасови.

„Електричните мотоцикли се фасцинантни но сите знаеме каква е ситуацијата со оваа технологија: Не можете да ги измамите хемикалиите. Сега ќе отстраните 15 килограми бензин но ќе ги замените со 150 килограми батерија. Ако има некаква регулација да се прават електронски мотоцикли во следните пет години, секако дека ќе бидеме дел од тоа, но ќе направиме мотоцикл кој ќе биде полош од мотоциклот кој би можеле да го направиме сега.“