Приватниот тим на починатиот Fausto Gresini ја раскина врската со фабричкиот тим на Aprilia и ги замени мотори со уште еден италијански мотор – Ducati!
Ожалостената вдовица Nadia Padovani, едвај собра храброст при презентацијата на тимот за оваа сезона и не треба да си голем аналитичар за да сфатиш дека поминала низ пеколот и назад кога по починувањето на големиот двократен светски шампион и сопственик на тимот Fausto, мораше да го ја преживее сопствената болка и да го одржи тимот во живот.
Веројатно многумина би се повлекле во таква ситуација, што не е воопшто необично, но едноставно таков е светот на MotoGP. Ако се потсетиме на трагедијата на Marco Simoncelli чиј татко Paolo собра храброст да продолжи понатаму, па дури и да оформи сопствен тим со кој ќе ја продолжо страста и радоста на тркањето во честа на неговиот син, тогаш јасно е дека мото светот е посебена средина.
Да се вратиме на промоцијата на новиот тим Gresini Ducati кој ќе биде опремен со 2 идентични мотори Desmosedici GP21 со кој ќе се натпреваруваат одличниот Enea Bastianini и почетникот Fabio Di Giannantonio. Иако не е најновата генерација на Desmo GP22 сепак се работи за моторот кој минатата година освои најмногу победи и делуваше како најбрз мотор.
После првата година на прибирање искуство, Enea нема да изненади ако го гледаме уште почесто на подиумот, додека пак Di Gia го има комфорот на учење без многу очекувања.
На промоцијата се појави и неизбежниот Gigi Dall'Igna за да ја зајакне поддршката на тимот на кој ќе му биде потреба поддршка од целата MotoGP фамилија.
Со ова и официјално е отворена сезоната на промоции на тимовите за сезоната 2022!
Би можело да ве интересира
Деновите, пред една од најкултните трки во календарот, изобилуваат со содржини.
Според најавата на некои светски медиуми за очекување е KTM многу наскоро да ја лансира својата нова понуда во рангот на новата 490 серија.
Дали организација на трка значи само објавување на стартот и мафтање со црно бело знаме за крај? Дали обврските на организаторот завршуваат тука?
Неверојатна е брзината, желбата и посветеноста на најбрзите тројца на секоја досегашна трка во овогодинешниот шампионат на суперспортските мотори WSBK!
Запознајте ги Бранко, Новак, Михаил, Горјан, Гален и Олег. Јас ги запознав едно неделно попладне на полјана во близина на спортскиот аеродром Стенковец.
