Производителот од Борго Панигале, Ducati, ја потврди организацијата на настанот „Campioni in Pista“ кој по петти пат по ред ќе се одржи во Мадона ди Кампиљо, од 17 до 19 јануари 2027 година.
Централниот дел на манифестацијата, која служи како вовед во новата MotoGP сезона, е закажан за понеделник, 18 јануари 2027 година, кога ќе биде официјално претставен тимот Ducati Lenovo за 2027 година и новиот мотоцикл Desmosedici GP.
Настанот, кој се одржува во спектакуларниот амбиент на Доломитите, повторно ќе ги спои спортот, страста и дружењето. Организацијата се реализира во соработка со Trentino Marketing и Azienda per il Turismo Madonna di Campiglio, при што Мадона ди Кампиљо ја потврдува својата улога како официјален партнер на Ducati Corse.
Од италијанскиот производител најавија дека дополнителни детали околу програмата на настанот и самата презентација ќе бидат објавени во текот на наредните недели.
Коментари