WSBK

WSBK: Хаслам ќе се приклучи на Kawasaki во 2019 година

Искусниот Британски возач Леон Хаслам ќе му се приклучи на Џонатан Реа во KRT и ќе биде дел од официјалниот тим на Kawasaki во сезоната 2019 од Светскиот Супербајк шампионат.

Следете нè на:

 

Моменталниот лидер во Британскиот Супербајк шампионат, Леон Хаслам, следната недела ќе им се приклучи на Џонатан Реа и Казума Ватанабе и ќе биде дел од трката Suzuka 8-Hour. Хаслам, претходно краток период му беше тимски колега на Реа пред тој да премине во тимот на Kawasaki. Тој е искусен WSBK натпреварувач кој зад себе има пет победи и триесет и девет места на подиумот. Неодамна, со помош на вајлд карта тој беше дел од неколку трки од шампионатот. На дванаесет трки од Британскиот шампионат колку што се оддржаа досега, Хаслам победи на шест и во моментов е лидер со 80 поени. Возач со големо искуство и кој бил дел од голем број на трки, негова најдобра сезона во Светскиот Супербајк шампионат беше во 2010 година кога заврши на второто место. Тој ќе ја започне соработката со KRT во текот на зимските тестови кои ќе се оддржат оваа година. 

haslam krt

Гим Рода, тимскиот менаџер на KRT вели: „Многу е тешко да се најде замена за возач каков што е Том. После долго размислување дојдовме до одлука да потпишеме договор со Леон за сезоната 2019. Има комплексна, спортска стратегија зад ваквата одлука и за да ги задоволиме нашите тимски цели одлучивме дека Леон е најдобрата опција. Во текот на изминативе неколку недели имаше голем број на гласини и шпекулации и среќни сме што конечно можеме да потврдиме дека во иднина Леон ќе вози за нас.“

„Сите знаеме дека тој презема голема одговорност и на 35 години да се добие ваква шанса е одлична можност да докаже дека се уште може да допринесе кон овој спорт. Јас сум лично многу мотивиран да го искористам неговото искуство. Како што велиме во KRT, резултатите се најголем доказ за нашето настојување.“

Стив Гатриџ, тркачкиот менаџер во KME изјави: „Тоа што го носиме Леон во тимот на KRT јасно покажува дека внатре во Kawasaki постои јасна структура кој има за цел да стигне до врвот. Откако тој му се приклучи на BSB тимот на Kawasaki, имавме одлична соработка, меѓу кои беше и настапот на трката во Сузука како и помош на тимовите Puccetti и Pedercini во WSBK серијата. Но за нас најважна е неговата желба да работи напорно. Воопшто не се сомневам дека ќе има мотивација на секоја трка до крај да го притиска Џонатан Реа.“

Кен Ондо, постар менаџер во Kawasaki: „Големо задоволство на сите кои сме дел од Kawasaki ни претставува фактот дека Леон ќе биде дел од KRT. Тој е лидер во BVB серијата, а исто така два пати се искачи на подиумот на трката во Сузука. Следната трка која ќе се оддржи на оваа патека одлично ќе ни го претстави двоецот на KRT за сезоната 2019.“

Леон Хаслам: „Сакам да им се заблагодарам на Kawasaki за оваа можност. Со нетрпение чекам да се вратам во Светскиот Супербајк шампионат. Поддршката која ја добив од страна на Kawasaki во изминативе три години колку што сум дел од Британскиот Супербајк шамопионат е извонредна. Се надевам дека ќе им се оддолжам со титула за сезоната 2018 во BSB серијата, а потоа ќе имам и добар настап следната година. Во 2019 година не чекаат неколку предизвици.“

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!