Џек Милер во Шпанија го испроба доминантниот Ducati Panigale V4 R.

MotoGP возачот Џек Милер го замени неговиот Ducati GP19 за мотоциклот со кој настапува неговиот колега од WorldSBK серијата, Ducati Panigale V4 R, за време на слободниот тренинг во Шпанија.

Австралиецот, кој во моментов ја вози својата втора сезона во Pramac Racing, присуствуваше на отворениот тест ден на патеката во Каталуња каде што покрај него беа и уште неколку други возачи од Moto2 и Moto3 сериите.

Милер имаше можност да ја испроба машината која е на добар пат да му ја донесе на Ducati првата титула во Супербајк шампионатот по 2011 година. Управуван од страна на Алваро Баутиста, тимот на 14 трки досега победи единаесет пати.

По завршувањето, немаше официјални времиња ниту пак коментари.

Милер, кој е дел од MotoGP уште од 2015 година, во моментов е на шестото место во генералниот пласман. Во досегашниот дел од сезоната тој три пати се најде меѓу најдобрите пет возачи по завршувањето на трките.