Занимливости

Twisted Road сака да го промени бизнисот со изнајмување мотоцикли

Во изминативе години, апликациите како што се Airbnb и Lyft ја започнаа економијата на делење  и извршија големо влијание врз традиционалната индустрија. 

Следете нè на:

 

Бизнис моделот е едноставен, изнајмувајте соби и заработете пари од тоа. Неодамна, една компанија ја презеде оваа идеја и ја пренамени за мотоцикли. Twisted Road е нов сервис кој му овозможува на секој кој има возачка дозвола за мотоцикл како и осигурување да може да изнајми мотоцикл од секој што ќе објави оглас на страната на Twisted Road.

Twisted Road

Во моментов, овој сервис е достапен само во САД, а од компанијата велат дека планираат да се прошират доколку постои голема заинтересираност.  Возачите кои доаѓаат во Америка ќе можат да изнајмат мотоцикл доколку имаат валидна возачка дозвола и доколку остават депозит. Исто така се врши и проверка на возачот и доколку во минатото имал пријава дека украл мотоцикл, тогаш неговото барање е одбиено. Секој корисник исто така прави и свој профил каде што наведува какво е неговото возачко искуство и каков мотоцикл претходно возел. Сопствениците на мотоциклите пак имаат можност да го прифатат или одбијат барањето кое ќе стигне до нив.

Во моментов, на страната има повеќе од 300 мотоцикли, а таа бројка постепено се зголемува. Со оглед на тоа дека повеќето компании кои изнајмуваат мотоцикли наплаќаат нешто помеѓу 75 и 200 долари од ден, оваа опција е навистина прифатлива.

Screen Shot 2018 01 26 at 2.59.59 PMСервисот е достапен само во САД, но се очекува набрзо да се прошири и низ Европа

Поголем број на сопственици на мотоцикли имаат повеќе модели, а плус голем дел од нив и не ги возат постојано. Системот ќе овозможи оние мотоцикли кои не се возат толку многу да се користат почесто, а тоа ќе овозможи и дополнителен приход за нивните сопственици.

Секако дека има и проблеми. Прво, претпоставувам дека голем број на луѓе нема да внимаваат на мотоциклот исто како и вие. Компанијата има и посебни правила кои спречуваат мотоциклот да се вози на едно тркало но не знам само како ова може да се спроведе на дело.

Исто така тука е и километражата. Сопственикот ќе заработи пари, но исто така ќе треба и да потроши на оддржување на мотоциклот, а дополнителната километража ја намалува неговата вредност. Исто така, можеби и ќе се најде некој кој ќе ви замени дел од мотоциклот без вие да забележите.

Доколку сакате да дознаете повеќе посетете ја нивната интеренет страна.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!