Занимливости

Стант возење: Претворање на ризиците во аплауз

Рускиот стантер, Марат Канкадзе, е член на „Motul Legend“, екипа која прави спектакуларни шоуа низ цела Русија и голем број на Европски држави.

Следете нè на:

 

Да се биде стантер значи дека треба да имате неверојатна храброст, феноменален баланс, да сте во врвна физичка форма и желба за перфекција која може да се постигне само преку напорен и редовен тренинг. Секако, да не заборавиме, треба да имате и среќа да избегнете сериозни повреди, кои секако се дел од оваа професија.

IMG 8402

Од каде сте и како започнавте со оваа авантура?

- Сите од тимот живееме во главниот град на Русија, Москва и веќе долги години имаме цврсто партнерство со Motul. Мотул е нашиот главен партнер и заедно сме дел од многу проекти. Започнав со соло настапи во 2004 година, а тимот на „Motul Legend“ беше формиран во 2007 година и имаше тројца возачи. Имавме многу настапи низ Русија како и низ Европските земји.

Дали е ова твоја редовна работа?

-Секако. Всушност, ова е нешто повеќе од само редовна работа. За да изведуваш вакви трикови треба да си во врвна форма. Мотоциклот исто така треба да изгледа добро и се на него да функционира беспрекорно. Потребно е многу време за сите работи да дојдат на свое место.

Дали може со тренинг да се дојде до балансат кој е потребен за да се биде професинален стантер?

-Со тренинг можете да стигнете до многу работи, но очигледно е дека треба да имате добра основа. Ова е како да сте многу млад и да учите како да одите. За време на првите чекори го барате вистинскиот баланс и не сте сигурни што треба да правите. Но веќе вториот пат имате многу поголема самодоверба. Исто е и со триковите. Ќе го направите еднаш и после тоа постојано го повторувате. Јас на тоа гледам како танцување со мотоцикли.

Докажано е дека после долго возење на едно тркало, на моторот му недостасува масло. Дали ваквите лимитирања бараат некакви технички промени со цел моторот постојано да биде подмачкан?

-Моравме да направиме одредени промени пред шест години, но оттогаш па се до денес се е во ред. Едноставно ставаме половина литар Motul 300V повеќе отколку што ставаат останатите возачи. Исто така го менуваме маслото после секои 10 часа кога имаме настап, а клиповите на моторот ги менуваме после 200 часа. Животниот век на нашиот мотор изнесува околу 800 часа.

80 Marat

Дали правиш некакви други технички промени?

-Имаме двајца инжинери кои работат со нас, а исто така имаме и CNC машини во професионало опремена работилница како што можеме да ги прилагодиме машините. Нашите инжинери всушност имаат креирано некои одлични адаптации. На пример, имаме развиено мала црна кутија која е сместена меѓу гаста и вбризгувачот на мотоциклот. Тоа го зголемува бројот на вртежи, а исто така обезбедува и други модификации. На еден начин, ние го хакиравме софтверот на BMW.

Колку часа неделно вежбаш кога се подготвуваш за настап?

- Секоја година вежбаме по околу шест месеци, но тоа е само во деновите кога немаме настап. На обичен ден, тренираме по околу 2 до 3 часа. Иако нашиот настап изгледа лесно, тој сепак е многу напорен. Имаме неколку одлични места за тренинг во близина на Москва и едно во Сочи каде климата е многу попријатна. За време на зимскиот период, Москва е целата со снег и затоа тренингот е речиси невозможен.

Кажавте дека овој спорт бара голема физичка подготвеност. Дали тоа значи дека треба да бидете атлета за да се занимавате со него?

-Оддржувањето на врвна физичка форма е клучен дел од тоа да се биде стантер. Многу често вежбаме и трчаме но најголем дел од нашиот тренинг го имаме на мотоциклот. На пример, после два часа вежбање, вие сте преморен. Исто така треба да имате и многу силни мускули на нозете за да го оддржите балансот над мотоциклот и да правите разни трикови инаку ќе направите грешка. Во Асен, имавме 16 настапи за два дена и тоа е навистина исцрпувачко.

Дали во иднина се планира некаква академија за младите возачи?

- Сега имам 45 години и сум ветеран во овој спорт. Во овој момент од мојата кариера имам конзистентен настап но и се уште учам. Возам со мозокот. Во однос на академијата, неодамна главните Руски мото федерации се здружија и сега јас сум претседател на една од комисиите. Оваа година во соработка со Motul го оддржавме „Motul Stunt“ шампионатот. Тој се состоеше од три етапи, а последната ја завршивме овој викенд. Имаме околу 35 возачи распоредени во 2 класи, затворена и отворена. Тука можам да им го пренесам моето знаење на помладите возачи и да ги откријам идните ѕвезди. Исто така им го пренесувам моето знаење и искуство во однос на целокупниот бизнис, вклучувајќи ги и спонзорствата. На еден начин можете да ме наречете ментор.

Која е твојата порака за крај?

На сите возачи и фанови сакам да им кажам дека треба да возат безбедно, да бидат паметни и воопшто да не се грижат за ништо кога се на мотоциклот. И најважно од се, бидете среќни.

Би можело да ве интересира

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

За време на прес конференцијата која се оддржа на EICMA, Yamaha претстави две изданија на тркачки фокусирани мотоцикли. Тие се креирани со цел да се најдат на врвот во Супербајк и Суперспорт 300 категориите.

Седиме покрај патеката и гледаме како BMW GS го прави она што најдобро го знае. Но, има една огромна разлика: Мотоциклот се движи сам.

BMW вели дека имале три цели кога го дизајнирале новиот S1000RR: да биде една секунда побрз кога е на тркачка патека, да биде 10 килограми полесен и полесно да се контролира. Од првиот поглед на спецификациите, ни стана јасно дека успеале во тоа.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.