2012 година беше навистина посебна за нашиот пријател Рок Багорош, егзибиционистот од тимот на КТМ кој сега вози KTM Duke 125/200 и Duke 690.

Rok chile

Ако до пред една година, Рок беше само почетник кој настапува со Duke 125, сега тој е препознатлив и како возач на KTM Duke 690, на кој рапидно го усовршува својот агресивен но сепак течен стил на возење.

2012 година беше навистина посебна за нашиот пријател Рок Багорош, егзибиционистот од тимот на КТМ кој сега вози KTM Duke 125/200 и Duke 690. Настаните постепено се наредија во последните два месеци кога ја започна „Rock on“ турнејата која почна во Јужна Америка, а заврши со настап на EICMA мото шоуто во Милано-Италија.

Интензитетот на настапи беше пеколен. Настапуваше во Мексико, Еквадор, Чиле, Гватемала, Перу, Словенија, Малезија, Германија и Италија. Турнејата траеше 10 недели, во која посети 9 земји на 3 контитенти.  Додека траеше турнејата, тој имаше можност да се сретне со голем број на негови обожаватели. Чувството беше едноставно неверојатно, изјави Багорош.

Да ги видите сите овие луѓе како го извикуваат моето име и како навиваат, бараат автограми или сакаат да се сликаат со мене, тоа ми даде неверојатна енергија и мотивација да тренирам подолго и понапорно. Понекогаш тренирам доцна навечер, на топло или на ладно време а понекогаш се околу мене е покриено со снег. Не се важни условите. Сакам само да го остварам сонот и да бидам најдобар егзибиционист во светот.  Понекогаш мислам дека сонувам, но набрзо сваќам дека ова е реално. Навистина е кул!Рок Багорош

Ако до пред една година, Рок беше само почетник кој настапува со Duke 125, сега тој е препознатлив и како возач на KTM Duke 690, на кој рапидно го усовршува својот агресивен но сепак течен стил на возење. „Сакам гледачите да се чувствуваат како да се наоѓаат на рок концерт а не на обичен мото настап. Да биде полно со адреналин и емоции“ дополни младиот каскадер.

Тука можете да го видите неговото последно видео кое е збир од најдобрите настани на турнејата во Јужна Америка каде настапуваше со Duke 200.

Рок го привлече нашето внимание во 2009-та година кога сеуште настапуваше со својот скутер. Тогаш го направивме првото интервју со него, а следната наша дружба се случи во случи во Скопје, кога настапи на Red Bull настанот заедно со маесто Крис Фајфер.

Back To Top