Вести од светот

Извршниот директор на Ducati потврди дека компанијата работи на скутер и на електричен мотоцикл

Од компанијата ни пристигна информација дека се подготвува скутер, а како што потврди и Едуард Лоте, директор на компанијата за Западна Европа, сериозно се размислува и за електричната иднина на Ducati.

Следете нè на:

 

Бигфут, Неси, Росвел, сите овие се митови со кои се среќаваме. А во мото индустријата можеме да додадеме уште еден: Скутер произведен од Ducati. Оваа тема често е дел од  разговорите кај мото ентузијастите и во медиумите, но таа секогаш беше негирана од страна на шефовите на Ducati.

Но денеска од компанијата ни пристигна информација дека се подготвува скутер, а како што потврди и Едуард Лоте, директор на компанијата за Западна Европа, сериозно се размислува и за електричната иднина на Ducati.

2018 Ducati 959 Panigale Corse 10

Иако ги отфрли можностите за влез во 300cc суперспорт категоријата, Лоте сепак најави дека Ducati ќе понуди попријатни опции за урбаните возачи во форма на скутер. Тој исто така ги потврди плановите на Ducati на пазарот да понуди електричен мотоцикл иако не потврди кога тој ќе се појави ниту пак во која категорија ќе биде.

Планот Roadmap E на Volkswagen, има за цел до 2030 година да ги направи електрични сите модели на компанијата, а во нив спаѓа и Ducati.

Во интервју за „Moto-Station“, Лоте сепак изјави дека не треба наскоро да очекуваме скутер ниту пак електричен мотоцикл и дека ако се случи такво нешто во иднина, тоа сигурно нема да биде пред 2021 година.

А за мото индустријата, 2021 година е особено важна бидејќи сите модели на компаниите ќе мораат да бидат во согласност со Euro 5  стандардот. Поради оваа причина, Ducati ќе бидат прилично зафатени, дел поради промена на целата линија, а дел и поради создавањето на идни модели.

Една позитивна работа. Лоте вели дека Ducati е посветен да го направи својот мотор со воздушно ладење да биде во согласност со Euro 5 стандардот, што воопшто не е мала работа.

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!