Италијанската компанија отвори музеј во кој се претставени неколку стотици Веспи.

Веспа има посебно место во светот на мотоциклите. Луѓето си ги сакаат своите веспи. Затоа не бев премногу изненаден кога дознав дека Италијанската компанија, во чија сопственост се уште и Vespa, Gilera, Moto Guzzi, Aprilia, одлучи да отвори музеј.

На речиси 5500 метри квадратни изложени се повеќе од 250 примероци од секоја класа и ера на Piaggio мотоциклите. Првиот викенд веднаш по отворањето на музејот привлече речиси 10 илјади посетители.

Покрај мотоциклите, во музејот имате можност и да дознаете повеќе за богатата историја на компанијата, нивните успеси во оф роуд натпреварувањата, машините за време на втората светска војна. Отворањето на музејот исто така се совпаѓа и со јубилејот од 50 години од претставувањето на „Vespa Primavera“. Меѓу другите атракции се и колекцијата „Gilera“ која го содржи „1909 Gilera VT 317“  - велосипедот со мотор, потоа колекцијата „Piaggio“ во која е вклучен и скутерот „1943 Vespa MP5 Paperino“.  Уметничката колекција го содржи „1962 Vespa Dali“ додека пак „Vespa Racing“ колекцијата го содржи моделот „1947 Vespa 98 Corsa“.

Покрај мотоциклите, музејот има и многу работи кои се поврзани со Piaggio како што се моторот за воз „MC2 54“ и авионот со две седишта „P.148“. Покрај тоа што има организирани тури, постои и нешто што се нарекува образовни активности наменети за сите студенти, а исто така има и посебен оддел наменет за најмладите. Музејот се наоѓа во градот Понтедера во Тоскана, а влезот е слободен.

За повеќе информации посетете ја нивната веб страна.