Живееме во време кога речиси сѐ можете да купите преку интернет, освен автомобили и мотоцикли. Но се чини дека ова второто наскоро ќе се промени откако Ducati најави дека подготвува специјален модел кој ќе може да се купи само преку интернет.
Наречен Scrambler Hashtag, од компанијата велат дека тој ќе биде достапен започнувајќи од 19 февруари и ќе биде модел кој ќе може да се нарача само онлајн. Сепак, само Италија, Франција, Германија, Шпанија и Португалија ќе имаат корист од овој нов систем. Помалку чудно со оглед на тоа колку само американски изгледа целото видео кое го објави компанијата.
Она не е прв пат луѓето да имаат можност да купат барем дел од мотоцикл преку интернет. Yamaha бара онлајн резервација за својата лимитирана верзија на YZF-R1M. Како надополнување, компанијата има и една интересна апликација за вашиот мобилен телефон преку која можете сами да си го направите вашиот омилен мотоцикл и потоа само да го подигнете од локалниот продавач на Yamaha мотоцикли.
Во однос на Scrambler Hashtag, од Ducati се уште не откриле никакви детали за овој модел. Од компанијата велат дека повеќе информации наскоро ќе има на интернет страната на Scrambler каде што ќе можете и да го нарачате.
Доколку не сте во тек со Scrambler моделот, Ducati одлучи да им посвети поголемо внимание на овој модел во 2015 година како мотоцикл наменет за помладата генерација. Можете да одберете меѓу 11 модели, секој направен за различен стил на возење. Меѓу нив се Icon, Street Classic, Classic, Full Throttle, Cafe Racer, Sixty2, или пак помеѓу оф роуд ориентираниот Desert Sled. Доколку сакате поголема моќност можете да одберете меѓу 1100, 1100 Special, или 1100 Sport верзиите кои ќе имаат поголема моќност. Повеќе информации можете да добиете во салонот на Динамикс лоциран на ул. Рузвелтова во Скопје.
