Дебитантот на Isle of Man TT, Адам Лион почина по инцидентот кој се случи на трката од Суперспорт класата.
Инцидентот во кој учествуваше 26 годишниот Лион кој доаѓа од Шкотска, се случи во третиот круг на Суперспорт ТТ.
Лион, кој своето деби во серијата го имаше оваа година, се квалификуваше на 24-тата позиција и постигна најголема брзина од 196.760 километри на час. Најбрзиот круг го имаше за време на квалификациската сесија која се оддржа во петокот кога постигна брзина од 198.662 км/ч. Тој заврши на шестото место во 2010 Pirelli National Superstock 600 шампионатот, а освои место на подиумот во Крофт и Силверстоун.
Ова е втор смртен случај на годинешните ТТ трка, откако минатата недела животот го загуби Ден Нин.