MotoGP

Ренди Мамола именуван за MotoGP легенда

Ренди Мамола ќе биде последното име кое ќе се најде на официјалната листа на MotoGP легенди.

Следете нè на:

 

Возејќи заедно со некои од најголемите имиња на мотоспортот, Мамола постигна 13 победи, 57 пати се најде на подиумот но сепак на крајот не успеа да стигне до титулата.Тој беше познат по агресивниот стил на возење во текот на неговата кариера во седумдесетите и осумдесетите години на минатиот век, а покрај тоа и по големата дарежливост. Тој е коосновач на непрофитната организација „Riders for Health“.

Randy Mamola MotoGP Legend 01

Тој се уште е дел од светот на мотоциклите и многу често може да се забележи во гаражите на MotoGP тимовите, помагајќи им на возачите, комуницирајќи со големиот број на фанови, а понекогаш и карајќи се со новинарите.

Исклучително популарен меѓу фановите на мотоциклизмот, Мамола се натпреваруваше во време кога се тркаа можеби најдобрите возачи кои некогаш се нашле на патеката, Вејн Гарднер, Фреди Спенсер и Кени Робертс јуниор.

Мамола, кој четири пати се најде на второто место во генералниот пласман, од тркањето се повлече во 1992 година.

„Не очекував дека вака ќе ми започне денот но морам да признаам дека навистина сум изненаден. Кога им кажав на мојата жена и син најпрво ми честитаа, а потоа почнаа да ме задеваат дека сега ќе мораат да живеат со легенда. MotoGP е мојот живот и сум дел од трките веќе 39 години. Од првиот пат кога се најдов во гаражите, на само 19 години, па се досега видов секакви работи. Голема чест и привилегија е да бидете дел од ваква листа.“

„Исто така среќен сум што целиот настан ќе се случува во Тексас и голем број на мои пријатели и роднини ќе имаат можност да присуствуваат. Се надевам дека ќе можам да се оддолжам за ова признание. Мислам дека сум единствениот возач кој нема освоено титула но кој ја има добиено оваа награда.”

Мамола ќе ја добие наградата за време на оддржувањето на MotoGP трката во Остин, Тексас.

Randy Mamola MotoGP Legend 03

Би можело да ве интересира

Со оглед на актуелната доминација на Kawasaki во WSB шампионатот, каде успеаа да освојат четири од последните пет титули, а исто така и доминацијата на Ducati во деведесетите години од минатиот век, лесно можеме да ги заборавиме поранешните шампиони.

Нова кампања на Kickstarter која ни доаѓа од Франција и која има за цел да ја подобри безбедноста на возачите преку воведување на мал екран на кој ќе можат да се испишуваат пораки.

Мото индустријата веќе неколку години користи напредни 3D принтери за да креира прототип делови. Ова воопшто не е некоја нова технологија со оглед на тоа дека неколку компании кои се занимаваат со развој на вселенски летала ја користат уште од осумдесетите години на минатиот век.

Христијан Илиоски со пехар од Романија, а Христијан Станковиќ со пехар од Грција го заокружија богатиот мотокрос викенд.

Џонатан Реа стигна до уште една победа откако успеа да се одбрани од нападите на Михаел ван дер Марк за време на првата трка која се возеше во Асен, а Том Сајкс победи на втората трка во Холандија.

Марк Маркез успеа да ги надмине проблемите и стигна до шестата победа по ред на патеката во Остин.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!