Новата сензација во МотоГП, возачот на Јамаха тимот Маверик Вињалес на најдобар можен начин ја започна сезоната откако дојде до првата победа на трката која се возеше на патеката Лосаил во Катар.
Новата сензација во МотоГП, возачот на Јамаха тимот Маверик Вињалес на најдобар можен начин ја започна сезоната откако дојде до првата победа на трката која се возеше на патеката Лосаил во Катар.
Под светлата на Лосаил следевме возбудлива трка од стартот до самиот финиш која ни ветува дека пред нас е уште една фантастична сезона. Трката започна според распоредот добиен од комбинираните времиња на трите тренинг сесии бидејќите квалификациите беа откажани заради лошите временски услови.
Времето не беше идеално ни пред стартот на трката што придонесе почетокот да биде одложен за цели 45 минути. Трката започна по два загревачки круга и беше скратена на 20 кругови.
Ваквата разврска придонесе да имаме комплетно непредвидлив исход на стартот, 23 возачи полни со адреналин едвај чекаа да започне новата МотоГП сезона. Дека ќе следиме возбудлива трка се покажа веќе на првиот свиок, а Вињалес кој стартуваше од пол позицијата влезе како втор низ свиокот но заради мала грешка падна до петтата позиција.
Трката беше исполнета со претекнувања и постојана борба за првата позиција. Она што беше изненадување беше Јохан Зарко, возачот на Јамаха Теч3 тимот кој успеа да дојде до првата позиција и зад себе да ги остави фабричките тимови на Дукати, Јамаха и Хонда. За жал предниот дел на Јамахата не го издржа притисокот и Зарко ја заврши трката на 14 круга пред крајот. Зад него во моментот беа Довициозо, Маркез, Ианоне, Вињалес и Роси, а Лоренцо беше на далечното 14-то место.
По падот на Зарко Возачите на Јамаха го зголемија темпото, па така Роси во моментот возеше најбрзи кругови и очекувано почнаа да се искачуваат место по место кон пиедесталот. Падот на Ианоне дополнително ја разгори борбата за првата победа во сезоната, за на крајот најуспешен да биде Маверик Вињалес.
Трката во Катар донесе повеќе изненадувања, на пиедесталот ги видовме Вињалес, Довициозо и Роси, Маркез беше четврти следен од Педроса, а Алеш Еспергаро на тимот на Априлија и го донесе фантастичното шесто место. Хорхе Лоренцо имаше катастрофален старт на сезоната и првата трка ја заврши на 11-та позиција.
Поз. | Возач | Тим | Мотор | Време |
1 | Maverick VIÑALES | Movistar Yamaha MotoGP | Yamaha | 38’59.999 |
2 | Andrea DOVIZIOSO | Ducati Team | Ducati | +0.461 |
3 | Valentino ROSSI | Movistar Yamaha MotoGP | Yamaha | +1.928 |
4 | Marc MARQUEZ | Repsol Honda Team | Honda | +6.745 |
5 | Dani PEDROSA | Repsol Honda Team | Honda | +7.128 |
6 | Aleix ESPARGARO | Aprilia Racing Team Gresini | Aprilia | +7.661 |
7 | Scott REDDING | OCTO Pramac Racing | Ducati | +9.782 |
8 | Jack MILLER | EG 0,0 Marc VDS | Honda | +14.486 |
9 | Alex RINS | Team SUZUKI ECSTAR | Suzuki | +14.788 |
10 | Jonas FOLGER | Monster Yamaha Tech 3 | Yamaha | +15.069 |
11 | Jorge LORENZO | Ducati Team | Ducati | +20.516 |
12 | Loris BAZ | Reale Avintia Racing | Ducati | +21.255 |
13 | Hector BARBERA | Reale Avintia Racing | Ducati | +28.828 |
14 | Karel ABRAHAM | Pull&Bear Aspar Team | Ducati | +29.123 |
15 | Tito RABAT | EG 0,0 Marc VDS | Honda | +29.470 |
16 | Pol ESPARGARO | Red Bull KTM Factory Racing | KTM | +33.601 |
17 | Bradley SMITH | Red Bull KTM Factory Racing | KTM | +39.704 |
18 | Sam LOWES | Aprilia Racing Team Gresini | Aprilia | +47.131 |
Без пласман | ||||
Danilo PETRUCCI | OCTO Pramac Racing | Ducati | 6 Laps | |
Andrea IANNONE | Team SUZUKI ECSTAR | Suzuki | 10 Laps | |
Alvaro BAUTISTA | Pull&Bear Aspar Team | Ducati | 13 Laps | |
Johann ZARCO | Monster Yamaha Tech 3 | Yamaha | 14 Laps | |
Cal CRUTCHLOW | LCR Honda | Honda | 16 Laps |