Можеби забележавте за време на трката во Муџело дека Валентино Роси повторно носеше специјално дизајнирана AGV Pista GP R кацига. Креирана од страна на Алдо Друди, оваа година Роси преку својата кацига им оддаде почит на Ники Хејдн и Франческо Тоти.
Можеби забележавте за време на трката во Муџело дека Валентино Роси повторно носеше специјално дизајнирана AGV Pista GP R кацига. Креирана од страна на Алдо Друди, оваа година Роси преку својата кацига им оддаде почит на Ники Хејдн и Франческо Тоти.
Во чест на Американскиот возач, бројот на Роси ,46 , беше претопен во обликот и бојата на бројот 69 на Хејдн. На врвот на кацигата пак се наоѓаше фудбалското игралиште каде деветкратниот светски шампион носи плав дрес на Италијанскиот национален тим. Оваа слика и оддава почит на една друга спортска личност, Франческо Тоти, кој го одигра својот последен натпревар за Рома минатата недела. На задниот дел на кацигата беше напишано: Еден капитен...Има само еден капитен! Фудбалерот пак на својот последен натпревар носеше завој во чест на Роси кој за време на еден тренинг доживеа несреќа и малку фалеше да ја пропушти трката.
Опишувајќи ја соработката, дизајнерот Алдо Друди, изјави: „Работиме како тим и го сметам Роси за дел од тимот. Ги слуша сите наши предлози со голема заинтересираност, а додава и свои идеи. Тука во AGV, нашата пасија ја преточуваме во работа и целта ни е да создадеме уникатен дизајн кој ќе обезбеди психолошка предност. Ова навистина е еден древен ритуал. Од дамнешни времиња, воините ги боеле своите лица пред да одат во борба со цел да изгледаат повеќе агресивно,“ вели Друди.
„Ова мора да се направи во секоја ситуација која вклучува ризик. Со Валентино работиме на едно поинакво ниво, секогаш создаваме нешто што е мотивирано од силните емоции што се јавуваат кај него. Ги дефинираме клучните аспекти и секогаш мораме да бидеме прецизни бидејќи за да работиш со некој што освоил девет титули, тимот исто така мора да биде достоен за девет титули.“