MV Agusta по пауза од 40 години повторно ќе биде дел од Гран При трките. Легендарната Италијанска компанија од 2019 година ќе биде дел од Moto2 серијата.
Поранешниот MotoGP тим, Forward Racing потпиша четири годишен договор за користење на мотоциклите на MV Agusta и следната година ќе биде дел од средната класа. Новиот мотоцикл, својот прв тест ќе го има во јули во пресрет на деби настапот кој ќе се случи наредната година.
Ова ќе биде прв настап за компанијата по 1976 годината кога Џакомо Агостини победи на последната трка за MV Agusta која се оддржа на патеката во Нирнбургринг.
Во својата историја, компанијата има освоено 18 титули во категоријата од 500cc помеѓу 1956 и 1974, а дел од тимот беа Џон Суртес, Гери Хокинг, Мајк Хеилвуд, Фил Рид како и Агостини пред четири тактните мотоцикли да бидат замененети со Јапонските дво тактни кон крајот на седумдесетите години.
Натпреварувањето го напуштија во 1976 година откако компанијата се соочи со финансиски проблеми.
Брендот се врати на трките во 2014 година преку нов тим кој е дел од Светскиот Супербајк шампионат, а во кој Жорди Торес настапува со MV Agusta 1000 F4.
Forward настапува во Moto2 со мотоцикли на Suter. Дел од тимот се Ерик Гранадо и Стефано Манзи, а во првите четири трки од сезоната ниту еден возач нема освоено поени.
Suter, кој минатата година одлучи да се повлече од натпреварувањето но веднаш потоа ја промени одлуката, ќе ги обезбеди вилушките за мотоциклите на MV Agusta. Triumph ќе биде задолжен за моторот како дел од договорот да се замени Honda како единствен снабдувач со мотори во серијата.
