Мотоцикли

Vespa станува електрична

Vespa Elettrica која беше најавена на EICMA е електричен скутер со кој ќе можете да поминете 100 километри со едно полнење на батеријата.

Следете нè на:

 

Опремен со лесна, Литиум-Јонска батерија, која дава континуирана моќност од 2kW и максимална моќност од 4kW, ова возило ви нуди многу подобри перформанси во споредба со стандардниот 50cc скутер. За целосно полнење на батеријата ќе ви бидат потребни четири часа, а тоа можете да го направите дома или пак на некоја надворешна станица за полнење. Батеријата може да се полни околу 1000 пати што во превод  ви обезбедува нешто помеѓу 50 и 70 000 километри.

vespa electrica eicma 1 2

Таа е дизајнирана за возење во урбана средина и тоа ќе биде единственото место каде ќе сакате да ја возите. Има два режими на возење, „Eco“ и „Power“. Втората верзија ја лимитира максималната брзина на само 30 километри на час и доколку не сте заглавени во некој сообраќаен метеж, нема да ви биде од голема корист. Веспата исто така го користи KERS системот за регенерирање на енергијата кога забавувате, нешто слично како и кај Формула 1 болидите.

Една од интересните работи кај оваа Веспа е можноста да го приклучите вашиот телефон во системот. 4.3 инчниот TFT екран му дава голем број на можности за интеракција на возачот. Ви кажува кога имате дојдовни повици, брзината со која возите како и уште колку има додека да се испразни батеријата. Клучот на мотоциклот исто така функционира и како далечински управувач во случај некогаш да заборавите каде сте се паркирале.

Но доколку растојанието кое можете со оваа Веспа да го поминете не ви е доволно, од компанијата ја нудат и Elettrica X, со која ќе можете да поминете 200 километри сето тоа благодарение на генераторот кој е додаден и кој работи на бензин. Поради помалата батерија, доколку одлучите да возите само на струја ќе можете да поминете 50 километри но кога се комбинира со генераторот го зголемува опсегот. Генераторот се вклучува само кога нивото на енергија на батеријата ќе помине одредена граница што значи дека доколку го возите низ град, повеќе ќе го користи електричниот мотор.

Elettrica ќе биде опремена со традиционалниот дизајн на Италијанската компанија и веднаш ќе препознаете дека станува збор за Vespa. Исто така ќе биде достапна и во 7 различни бои, а ќе има и голем број на додатоци.

Цените за новата Веспа ќе бидат објавени од Динамикс наскоро.

Би можело да ве интересира

Со оглед на актуелната доминација на Kawasaki во WSB шампионатот, каде успеаа да освојат четири од последните пет титули, а исто така и доминацијата на Ducati во деведесетите години од минатиот век, лесно можеме да ги заборавиме поранешните шампиони.

Нова кампања на Kickstarter која ни доаѓа од Франција и која има за цел да ја подобри безбедноста на возачите преку воведување на мал екран на кој ќе можат да се испишуваат пораки.

Мото индустријата веќе неколку години користи напредни 3D принтери за да креира прототип делови. Ова воопшто не е некоја нова технологија со оглед на тоа дека неколку компании кои се занимаваат со развој на вселенски летала ја користат уште од осумдесетите години на минатиот век.

Христијан Илиоски со пехар од Романија, а Христијан Станковиќ со пехар од Грција го заокружија богатиот мотокрос викенд.

Џонатан Реа стигна до уште една победа откако успеа да се одбрани од нападите на Михаел ван дер Марк за време на првата трка која се возеше во Асен, а Том Сајкс победи на втората трка во Холандија.

Марк Маркез успеа да ги надмине проблемите и стигна до шестата победа по ред на патеката во Остин.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!