За многу производители, 2017 е година исполнета со предизвици. Со воведувањето на Еуро 4 стандардот, на компаниите им останаа само два избора: да ги променат моторите и со тоа да го продолжат животниот век на производите или да дизајнираат нешто сосем ново.

За многу производители, 2017 е година исполнета со предизвици. Со воведувањето на Еуро 4 стандардот, на компаниите им останаа само два избора: да ги променат моторите и со тоа да го продолжат животниот век на производите или да дизајнираат нешто сосем ново. Италијанската компанија Moto Morini се одлучи за втората опција, а крајниот резултат е Corsaro 1200 ZZ. Од компанијата велат дека успеале да задржат едно нешто: „Нескротливата, фуриозна и бестрашна душа на мотоциклот.“ Звучи интересно.

Домашно производство

Мотоциклот има 1200cc V-twin мотор кој има 137bhp и 92ftlb број на вртежи. И покрај тоа што 1187cc Bialbero Corsa Corta моторот прв пат дебитираше во 2005 година, од Moto Morini велат дека успеале да го прилагодат на Еуро 4 стандардот без да го загуби својот карактер. За ова помогна и новиот Zard издувен систем кој не само што помага во намалување на штетните гасови и на бучавата туку исто така ја намалува и потрошувачката на гориво.

Il Tricolore

Од компанјата велат дека сакале мотоциклот да ги задржи италијанските карактеристики и освен неколку исклучоци (германскиот Bosch 9MP ABS систем) тој е целосно италијански. Моторот е произведен во Тревизо, а прилагодливиот преден дел на мотоциклот доаѓа од Болоња. Радијалните Brembo клипови како и пневматиците, Pirelli Diablo Rosso III, се исто така италијански.

Како да купите ваков мотоцикл? Секој Morini е уникатен и сите нарачки во моментов одат преку компанијата. Потоа тие го прават мотоциклот точно според вашите спецификации. Пред да ви го испорачаат ќе морате да го одобрите за да нема никакви проблеми подоцна. Неговата цена изнесува 19,900 евра но барем можете да бидете сигурни дека никој друг нема да има ист таков мотоцикл.