Мотоцикли

Пијаџо ќе започне со производство на електричната Веспа

Почеток на нешто големо за групацијата Piaggio

Следете нè на:

 

Урбаната мобилност станува електрична. Овој факт едноставно не можеме да го негираме. Компанијата Vespa сериозно ја сваќа оваа работа и веќе започна со производство на моделот Elettrica.

Моделот за прв пат беше најавен за време на EICMA мото шоуто минатата година. На почетокот на следниот месец во фабриката која се наоѓа во близина на Пиза ќе започне и неговото производство, а првите нарачки ќе можат да се направат веќе од Октомври.

vespa electrica eicma 1 2

Доставата на мотоциклот, кој ќе има цена слична како и бензинските модели на Vespa (околу 6000 евра), во Европа ќе започне на почетокот на 2019 година, а веднаш после тоа ќе се најде на пазарот и во САД и Азија.

Според информациите, тој ќе има подобри перформанси отколку скутерот со зафатнина од 50cc и со една батерија ќе можат да се поминат 65 километри. Ќе има и верзија X која покрај електричниот мотор ќе има и генератор кој ќе овозможи да поминете двојно повеќе километри. За целосно да се наполни батеријата ќе ви бидат потребни четири часа, а тоа ќе можете да го направите дома или пак на некое друго место каде што има пристап до струја.

Скутерот ќе биде достапен во седум бои, а покрај тоа ќе можете да го поврзете со вашиот телефон.

Според соопштението кое беше испратено од компанијата, ова ќе биде прв производ на групацијата кој ќе има „ innovative machine-man interconnectivity“, и кој ќе обезбеди поврзаност меѓу човекот и машината.

Накратко, ова значи дека во иднина Elettrica ќе биде компитабилна со сите работи кои се поврзани со вештачката инелигенција и кои во моментов се развиваат за роботот Gita.

Кога тој ќе се најде во производство следната година, ќе им овозможи на мотоциклите на групацијата да бидат свесни за возилата и за луѓето кои се наоѓаат во нивна близина, а исто така ќе обезбедува и информации со цел да се подобри целокупната инфраструктура на патиштата.

Уште поголем чекор на Gita ќе биде да се овозможи возилата да ги препознаваат своите сопственици без да мора тие да употребуваат клучеви но исто така и да комуницираат со останатите возила кои се наоѓаат на патот.

Иако не очекува уште многу време додека сето ова да се исполни, Vespa Elettrica дефинитивно се движи во вистинска насока.

Би можело да ве интересира

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

За време на прес конференцијата која се оддржа на EICMA, Yamaha претстави две изданија на тркачки фокусирани мотоцикли. Тие се креирани со цел да се најдат на врвот во Супербајк и Суперспорт 300 категориите.

Седиме покрај патеката и гледаме како BMW GS го прави она што најдобро го знае. Но, има една огромна разлика: Мотоциклот се движи сам.

BMW вели дека имале три цели кога го дизајнирале новиот S1000RR: да биде една секунда побрз кога е на тркачка патека, да биде 10 килограми полесен и полесно да се контролира. Од првиот поглед на спецификациите, ни стана јасно дека успеале во тоа.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.