Suzuki Италија на својата фејсбук страна ја објави оваа фотографија од моделот GSX-R1000R со оклопи целосно изработени од карбон.
Што да помислиме за ова? Се чини дека компанијата има специјална верзија на GSX-R1000R кој има делови изработени од јаглеродни влакна, тркачко ветробранско стакло и специјални штитници. Оваа верзија најверојатно ќе биде специјален модел за сезоната 2019. Гледајќи го времето кога е објавено промотивното видео, можеме да очекуваме дека моделот ќе биде претставен за време на Гран При трката која ќе се оддржи во Мизано овој викенд.
Со оглед на тоа дека голем број на компании успешно продаваат скапи, високо технолошки верзии на своите супербајк мотоцикли, почнувајќи од Yamaha R1M, Kawasaki ZX-10RR и Honda Fireblade SP2, кои достигнуваат цена и до 70 000 евра, не не изненадува фактот дека и Suzuki сака да стане дел од оваа игра.
Ние викендот ќе го поминеме на патеката во Италија, доколку шпекулациите се остварат, очекувајте повеќе детали и ексклузивни фотографии од новиот модел.