MK мотоциклисти на меѓународни трки

Извештај: Отворен Источно-Европски шампионат „Истанбул парк 2012“

motori MK_TeamПретставниците на МФМ, Игор Спиров (Сузуки) и Сашо Николов (Јамаха) ги освоија осмите места во своите класи на третиот натпревар од отворениот Источно-Европски шампионат во мотоциклизам на кружни патеки кој се одржа изминатиот викенд на патеката Истанбул Парк во Турција.

Следете нè на:

 

MK Team

Претставниците на МФМ, Игор Спиров (Сузуки) и Сашо Николов (Јамаха) ги освоија осмите места во своите класи на третиот натпревар од отворениот Источно-Европски шампионат во мотоциклизам на кружни патеки кој се одржа изминатиот викенд на патеката Истанбул Парк во Турција.

Спиров со новите бодови успеа да се пробие на 6 место во генералниот пласман во класата супербајк до 600 ссм. Во оваа класа победи домашниот натпреварувач Ахмет Коџјигит, додека и натаму водечки во пласманот после три натпревари е Красимир Михајлов (Бугарија) со 45 бодови. 

Во конкуренција од 18 натпреварувачи Николов го освои 8 место во класата супербајк до 1000 ссм, а победата ја однесе уште еден турски репрезентативец, Семих Суна. Николов напредуваше во генералниот пласман за една позиција и сега со 26 бодови е на 6 место. Првото место сеуште го држи Емилијан Јотов (Бугарија) со 40 бодови. Во истата класа настапи и Виктор Вешовски кој со својот мотоцикл Сузуки успеа на крајот да заврши како 10-ти и покрај тоа што настапи со стари гуми на трката.

Во оваа класа требаше да настапи и Зоран Трајковски кој за жал доживеа пад на првиот тренинг во саботата по кој се здоби со потешки повреди. По успешната неколкучасовна операција според нашите извори состојбата на Ѕоне во моментов е стабилна и во четврток се очекува негово префрлување во Македонија.

Нашиот претставник во најсилната класа супершток до 1000 ссм, Ефтим Велјаноски не успеа да се пласира помеѓу првите петнаесет места кои обезбедуваат бодови. Тој на крајот заврши како 24 од 29 учесници. Очекувано победи Мартин Чои (Бугарија) кој се проби на второто место во генералниот пласман со 50 бодови, само 1 бод помалку од неговиот сонародник Велислав Марков.

За жал нашиот најголем адут Марин Сугарев остана без бодови. Поради технички проблеми со мотоциклот Сугарев мораше да се откаже во последниот круг и не успеа да ги потврди претходните одлични пласмани, особено третото место од минатата трка во Плевен, Бугарија. И покрај пехот тој останува во конкуренција за место на подиумот во конечниот пласман на класата спорт јуниор до 125 ссм.

Претпоследниот натпревар од отворениот Источно-Европски шампионат е на 15 јули на истата патека во Турција, додека шампионите ќе се одлучат на 23 септември на патеката Батајница крај Белград, Србија.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!