На втората рунда од Источно Европскиот шампионат во мотокрос која викендов се возеше на патеката Бурса во Турција, Македонија беше претставувана од Борче Костов - Жолт (МК Ноќни Волци) кој на двете трки го освои 8-то место.
На втората рунда од Источно Европскиот шампионат во мотокрос која викендов се возеше на патеката Бурса во Турција, Македонија беше претставувана од Борче Костов - Жолт (МК Ноќни Волци) кој на двете трки го освои 8-то место.
Костов кој да потсетиме дека минатата сезона го освои третото место во ИЕШ во класата MXV, оваа сезона е на одличен пат да го повтори успехот. По првата рунда во која прокнижа 30 бодови и беше на делба на 5-то место по двете трки, од рундата во Турција тој се враќа со две 8-ми места.
Првата трка за Костов беше навистина успешна ако се има во предвид дека во конкуренција од 43 возачи во класите MX и MXV тој го освои 11-то место, односно 8-то во класата MXV. Во втората трка во која натпреварувачите во MXV возеа посебна трка тој го повтори успехот и повторно финишираше на 8-та позиција.
До крајот на шампионатот преостануваат уште 5 рунди (10 трки) меѓу кои треба да се најде и нов датум за трката која требаше да се вози во Гевгелија но беше одложена заради поплавите. Следен предизвик за Костов ќе биде трката во Босна која се вози на патеката Крешево на 7-ми јуни. Календарот продолжува според следниот распоред:
МОТОКРОС | |||
# | Датум | Патека | Земја |
Рунда 1 | 05 април 2015 | Јаница | Грција |
Рунда 2 | 12 април 2015 | Гевгелија | Македонија (ОДЛОЖЕНА) |
Рунда 3 | 26 април 2015 | Бурса | Турција |
Рунда 4 | 07 јуни 2015 | Крешево | Босна и Херцеговина |
Рунда 5 | 28 јуни 2015 | Глобаре | Србија |
Рунда 6 | 30 август 2015 | Самоков | Бугарија |
Рунда 7 | 04 октомври 2015 | Тројан | Бугарија |