Интервјуа

Интервју: Христијан Станковиќ

Разговараме со Христијан Станковиќ, младиот мотокрос возач од Битола (МК Мотостарс) кој е добитник на Златната Кацига како најдобар во првенството во мотокрос на Македонија и кој ги освои титулите во 2012, 2013 и 2014 година.

Следете нè на:

 

Кажи ни нешто повеќе за себе

Здраво до фановите на мотори.ком.мк, јас сум Христијан Станковиќ од Битола, возач на мото клубот Мотостарс. Роден сум во 2000-та година на 2-ри септември, висок 186цм, тежок 75 кила, а учам во средното училиште „Јане Сандански“ во Битола.

12287565 10207340822900841 1958073678 oСтанковиќ го доби признанието „Златна кацига“ за титулите во 2012, 2013 и 2014

Кога започна да возиш крос?

Моите почетоци во мотокросот беа на 11 годишна возраст. 

Кој беше твојот прв мотор?

Првиот мотор со кој ги научив основите на мотокрост беше Kawasaki kx-85, тоа воедно беше и првиот мотор на нашиот шампион Христијан Илиоски

mx zabel 2015 3Станковиќ на патеката Забел во Куманово

Зошто возиш со бројот 151?

Како што знаете бројот 151 е број на Justin Barcia, а бидејќи сум негов голем фан се одлучив да возам и јас со истиот број.

Која е твоја омилена мотокрос патека?

Омилена мотокрос патека ми е онаа во Литохоро, Грција. Според мене се работи за една од нај спремните патеки на Балканот.

Дали мотокросот е тежок спорт?

Мотокросот е спорт кој бара големи физички и психички подготовки, затоа и важи за еден од најтешките спортови на светот.

mx orman 2015 199Христијан Станковиќ: Водечки во класата МХ2

Колку често тренираш?

Во текот на сезоната неделно тренирам 4 пати физички и 3 пати со мотор, по завршувањето на сезоната тренинзите се редуцирани па така имам само еден тренинг со мотор, а останатите денови тренирам физички.

Го објави моторот за продажба, што ќе возиш следно?

Да, го објавив моторот за продавање бидејќи новиот веќе е на пат, продолжувам со Хонда, нов модел.

Колку е значајно за тебе освојувањето на златната кацига?

Колку што знам, јас сум најмладиот возач во историјата на македонскиот мотоспорт (14 години) кој ја освоил златната кацига. За мене ова е огромен мотив да продолжам да работам напорно и понатаму.

bratindol 2014 75На домашната патека Братиндол во Битола

Дали ќе те видиме наскоро во МХ1?

Бидејќи имам само 15 години, сеуште не размислувам за класата МХ1, сеуште сакам и мислам дека можам да се докажувам во класата МХ2. Потоа ќе видиме...

Каков е планот за настап во 2016 година?

Планирам да го возам домашниот мотокрос шампионат, Балканскиот шампионат, а доколку успееме да обезбедиме финансиски средства би возел и на српскиот и грчкиот шампионат.

Кои се твоите планови за иднина?

Се фокусирам на претстојната сезона, сакам да извозам најдобро што можам. За иднината ќе размислувам потоа, бидејќи моите идни настапи ќе зависат и од поддршката од Мотоциклистичката Федерација на Македонија и од спонзорите.

motokros prilep 2014 85Настап на Источно-Европскиот шампионат во мотокрос

Би можело да ве интересира

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

За време на прес конференцијата која се оддржа на EICMA, Yamaha претстави две изданија на тркачки фокусирани мотоцикли. Тие се креирани со цел да се најдат на врвот во Супербајк и Суперспорт 300 категориите.

Седиме покрај патеката и гледаме како BMW GS го прави она што најдобро го знае. Но, има една огромна разлика: Мотоциклот се движи сам.

BMW вели дека имале три цели кога го дизајнирале новиот S1000RR: да биде една секунда побрз кога е на тркачка патека, да биде 10 килограми полесен и полесно да се контролира. Од првиот поглед на спецификациите, ни стана јасно дека успеале во тоа.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.